काठमाडौं : १३औं दक्षिण एसियाली खेलकुद सागको उद्घाटन अघि नै शुरु भएको भलिबल खेल मंगलवार भारतले दुई स्वर्ण जितेपछि सकिएको छ । मंगलवार महिला पुरुष दुवै फाइल भारतले जितेको हो ।
यस्तै घरेलु टोली नेपालले महिलातर्फ ऐतिहासिक रजत जित्दा पाकिस्तानले १ रजत र श्रीलंकाले २ कास्य जितेको छ ।
मंगलवार भएको पुरुषतर्फको फाइनलमा भारतले पहिलो सेट गुमाएपनि पुनरागमन गर्दै पाकिस्तानलाई ३-१ ले हराउदै स्वर्ण जितेको हो । यस्तै महिलातर्फ निकै प्रतिस्पर्धात्मक र र रोमाञ्चक खेलमा भारतले नेपाललाई ३-२ को सेटमा पराजित गरेको हो । पहिलो सेट भारतले २५-१७ ले सहजै जित्दै अग्रता बनाएको थियो। त्यसपछि नेपालले दोस्रो सेट २५-२३ र तेस्रो सेट २५-२१ ले जित्दै अग्रता बनायो। भारतले चौथो सेट २५-२० ले जित्दै खेल बराबरी गर्यो भने अन्तिम सेट १५-६ ले सहजै जितेर स्वर्ण जितेको हो । पुरुषतर्फ पनि भारतले पाकिस्तान विरुद्ध पहिलो सेट गुमाएर पनि पुनरागमन गर्दै लगातार तीन सेट जितेर खेल जित्यो।
नेपालको महिला टोलीले पहिलो पटक स्वर्ण जित्ने लक्ष्य राखेपनि पूरा हुन सकेन। पहिलो सेट गुमाएपनि दोस्रो र तेस्रो सेट जितेको नेपालले अन्तिम दुई सेट गुमाएपछि रजतमा चित्त बुझाउनु परेको हो ।
स्वर्ण जित्ने लक्ष्य पूरा हुन नसकेपनि नेपाले महिला भलिबलमा ऐतिहासिक रजत जितेको छ। यसअघि तीन पटक सागमा महिला भलिबलमा कास्य जितेको नेपालले यस पटक भने दोस्रो हुादै रजत जितेको हो ।
प्रशिक्ष जगदिश भट्टले रजत पदक नि नेपालको इतिहास भएको बताए । ‘सबैको अपेक्षा अनुसार नतिजा ल्याउन नसक्दा म त्यसको नैतिक जिम्मेवारी लिन्छु। तैपनि हामीले रजत जितेर सागमा अर्को इतिहास बनाएका छौँ। नेपाललाई भलिबलमा रजत दिएका छौँ।’
भारत विरुद्रध णनीति बनाएपनि सानो गल्तीले चुकेको बताए । ‘हामीलाई सबैको साथ सहयोग थियो, सबैले स्वर्ण जित्नुपर्छ भनेका थिए । त्यसअनुसारको रणनीति बनाएर मैदानमा उत्रिएका थियौँ। चौथो सेटमा हामी जितको नजिक थियौ तर सानो गल्तीहरुले हार्न पुग्यौ । खेलमा ३—४ वटा सर्भिस र २—३ वटा सामान्य बललाई नलिनु नै हारको कारण बन्यो ‘भट्टल भने।
यस्तै कप्तान अरुणा भण्डारीले साग समग्रमा राम्रो भएको बताउँदै भारतसंग पनि टक्कर दिएर खेलेको बताइन् । ‘साना गल्तीले गर्दा अन्तिम सेट हार्यौँ । तर नेपालको र भारतको स्तर फरक छ। तैपनि हामीले टक्कर दियौँ। यदी यो टिमले निरन्तर प्रशिक्षण पायो भने हामी अर्को सागमा स्वर्ण जित्छौँ।’
कास्य पदकको लागि सोमवारै भएको महिला र पुरुष दुवैतर्फको खेलमा श्रीलंकाले बंगलादेशलाई पराजित गरेको थियो ।
मंसिर १५ मा उद्घाटन भएको १३औ सागको भलिबल खेलहरु मंसिर ११ देखि नै शुरु भएको थियो । जसमा भारतले दुई स्वर्ण नेपाल र पाकिस्तानले समान १ रजत तथा श्रीलंकाले दुई कास्य जित्यो । अब भलिबलकै अर्को विभा बीच भलिबल हुन बाँकी छ । पहिलो पटक समावेश बीच भलिबल पोखरामा हुनेछ।
GRN SPORTS 